ការបោះឆ្នោតជ្រើសតាំងតំណាងរាស្ត្រ នីតិកាលទី៥ បានខិតជិតមកដល់នាពេលឆាប់ៗខាងមុខនេះហើយ យ៉ាងណាមិញរហូតមកដល់ពេលនេះមានមនុស្សជាច្រើនគឺ មិនទាន់បានទៅពិនិត្យបញ្ជីឈ្មោះបោះឆ្នោតនៅឡើយទេ ដោយសារតែពួកគាត់រវល់ជាមួយនឹងការងារផ្សេងៗ ដែលមិនមានពេលសម្រាប់ទៅពិនិត្យបញ្ជីឈ្មោះឆ្នោតនៅតាមការិយាល័យដែលមាន ។ ម្យ៉ាងវិញទៀតអ្នកខ្លះគឺ ធ្វើការដោយសំណាកស្រុក ដូច្នេះពួកគាត់គ្មានពេលដើម្បីទៅពិនិត្យបញ្ជីឈ្មោះឲ្យបានជាក់លាក់នោះទេ ។
យើងតាមសម័យបច្ចុប្បន្នដែលមានការវិវត្តខ្ពស់ខាងវិស័យបច្ចេកវិទ្យា ហើយជាពិសេសកំណើននៃការប្រើទូរស័ព្ទទំនើប និងឧបករណ៍ទំនើបផ្សេងៗទៀតក៏កាន់តែច្រើន ដែលជាហេតុធ្វើឲ្យគណៈកម្មការជាតិរៀបចំការបោះឆ្នោតបានបង្កើតនូវគេហទំព័រមួយដែលផ្ដល់ភាពងាយស្រួលដល់ជនរួមជាតិដើម្បីពិនិត្យបញ្ជីឈ្មោះបោះឆ្នោតដោយមិនចាំបាច់ទៅកាន់ការិយាល័យដោយផ្ទាល់ ។ ដូច្នេះដើម្បីជ្រាបថា តើយើងអាចមើលបញ្ជីឈ្មោះតាមរយៈគេទំព័របស់ គ.ជ.ប ដោយរបៀបណានោះ សូមធ្វើតាមការណែនាំខាងក្រោម ។
- ចូលទៅកាន់គេហទំព័រ http://www.voterlist.org.kh
- ដូចរូបខាងលើ សូមជ្រើសយក ភាសាខ្មែរ
- ដូចរូបខាងលើ សូមធ្វើការជ្រើសយកឈ្មោះ រាជធានី/ ខេត្ត, ឃុំ/សង្កាត់ និង ការិយាល័យបោះឆ្នោត(ឈ្មោះការិយាល័យអ្នកអាចមិនជ្រើសយកក៏បាន ដោយរង់ចាំផ្ទៀងផ្ទាត់លទ្ធផលទៅនឹង ឈ្មោះ បូករួម ថ្ងៃ ខែ ឆ្នាំកំណើត របស់អ្នក តែប្រហែលជាត្រូវរង់ចាំយូរបន្តិចព្រោះប្រព័ន្ធត្រូវការស្វែងរកទៅគ្រប់ការិយាល័យទើបធ្វើការបង្ហាញ)
- បន្ទាប់មកបំពេញនាមត្រកូល នាមខ្លួន និងជ្រើសយកភេទស្រី ឬ ប្រុស
- ចុចលើពាក្យ ស្វែងរកនោះអ្នកនឹងទទួលបានលទ្ធផលដូចខាងក្រោម
លទ្ធផលដែលទទួលបាន៖
ឧទាហរណ៍ខាងលើគឺ ចង់បញ្ជាក់ថា ប្រសិនបើប្រិយមិត្តវាយបញ្ចូលឈ្មោះហើយនៅតែមិនបង្ហាញលទ្ធផលសូមប្រើជាលក្ខណៈទម្រង់កាត់វិញ ដោយនាមត្រកូលនៅរក្សាធម្មតា ហើយនាមខ្លួន គ្រាន់តែប្រើអក្សរតំណាងណាមួយ(នាមខ្លួន សុខភាព តែវាយបញ្ចូលប្រើពាក្យ ‘សុខ’, ‘ភាព’ ឬ ‘ស’ )។ ក្រៅពីនេះប្រសិនបើនៅតែមិនអាចដំណើរការសូមប្រើទម្រង់កាត់បន្ថែមទៅលើ នាមត្រកូល(ឧទាហរណ៍៖ សាន សុខភាព តែយើងយកតែ នាមត្រូល= ‘ស’ និងនាមខ្លួនយកតែ ‘ស’ បន្ទាប់មកសូមផ្ទៀងផ្ទាត់ទៅលើលទ្ធផល) ។
[Update] : ប្រសិនបើអ្នកមាននូវលេខប័ណ្ណ ឬ បង្កាន់ដៃ អ្នកក៏អាចធ្វើការពិនិត្យបញ្ជីបោះឆ្នោតតាមរយៈលេខប័ណ្ណ ឬបង្កាន់ ជំនួសឲ្យការបញ្ចូលឈ្មោះផងដែរ គឺគ្រាន់តែជ្រើសយកពាក្យថា «តាមរយៈលេខប័ណ្ណ» រួចវាយបញ្ចូលនូវលេខប័ណ្ណ ឬបង្កាន់ដៃរបស់អ្នកចូលទៅកាន់ប្រអប់ដែលមាន«លេខប័ណ្ណ/បង្កាន់ដៃ»។
បញ្ជាក់រាល់ឧបករណ៍ដែលត្រូវប្រើដើម្បីបើកគេហទំព័របញ្ជីឈ្មោះបោះឆ្នោតត្រូវតែមានដំឡើងកម្មវិធីពុម្ពអក្សរខ្មែរ Unicode (កុំព្យូទ័រ ឬកុំព្យូទ័របន្ទះស្ដើង និងទូរស័ព្ទទំនើប ) ដោយឡែកសម្រាប់ព័ត៌មានបន្ថែមពីការប្រើអក្សរសូមចូលទៅកាន់តំណភ្ជាប់នេះ !
បញ្ជីបោះឆ្នោតឆ្នាំ២០១២ សម្រាប់បោះឆ្នោតជ្រើសតាំងតំណាងរាស្ត្រ នីតិកាលទី៥ ឆ្នាំ២០១៣សូមទាក់ទងទូរស័ព្ទ៖ 011 / 099 / 086 / 081 / 016 – 98 77 66