អំពីខ្ញុំ

គោលបំណង៖

​

អ្វី​ដែលជំរុញ​ឲ្យខ្មែររីខតបង្កើតជាវ៉ិបសាយ​គឺ ​ក្នុង​គោលគំនិត​រួម​ដែលចង់​ពង្រឹង និងពង្រីក​ភាសាខ្មែរឲ្យ​កាន់តែទូ​លំទូលាយ​នៅលើបណ្តាញ​អ៊ីនធើណេត ឲ្យកាន់តែសម្បូរជាងបច្ចុប្បន្ននេះ និង​ចូលរួម​ចំណែក​​ចែក​រំលែក​ជាបទពិសោធន៍ និងគន្លឹះ​ផ្សេងៗ​ជូនដល់​កូនខ្មែរទូទៅ ដែល​មានបំណង​ចង់​ដឹង និងស្វែងយល់​ពី​វិធី – របៀប ឬគន្លឺះ​នៃ​ការអនុវត្តន៍​ នានាដែល​ទាក់ទង​នឹងផ្នែក​ព័ត៌មានវិទ្យា​ជាដើម។ ឯកសារ និង​អត្ថបទមួយចំនួន​​ដែល​បាន​​ដាក់ផ្សាយ​ស្ទើរ​រៀង​រាល់​ថ្ងៃនេះ គឺ​ត្រូវបាន​ដកស្រង់​ចេញ​ពី​គេហទំព័រ​ល្បីនានា​ (ប្រែសម្រួល​ពី​ភាសាអង់គ្លេស) និងមួយចំនួន​ផ្សេងទៀត​ត្រូវបានរៀបចំ​ និង​បង្កើត​ឡើង​ដោយ​ខ្មែររីខតផ្ទាល់។

សេចក្តីរំពឹងទុក៖

តទៅថ្ងៃមុខ ខ្មែររីខតរំពឹង​ទុកថា៖ ទីនេះ​ជា​កន្លែង​ផ្ទុក​ឯកសារ​ចំណេះដឹង​ផ្នែក​ព័ត៌មាន​វិទ្យា (ជាពិសេស​ការអនុវត្តន៍) សម្រាប់​ចែក​រំលែក​ជូន​ដល់​បង​ប្អូន​ជំនាន់ក្រោយ​ គ្រាន់ទុកជាឯកសារយោង។ យ៉ាងណាមិញ ខ្មែររីខតសូមរង់ចាំទទួល​ការ​រិះគន់​ ក្នុងន័យ​ស្ថាបនា​​របស់​មិត្ត​អ្នកអាន ដើម្បី​កែលម្អ​វ៉ិបសាយ​មួយនេះ ឲ្យរឹតតែ​ប្រសើរ និង​ក្លាយជា​ប្រយោជន៍សម្រាប់អ្នកទាំងអស់គ្នា។ ខ្មែររីខត នឹង​បន្ត​ទទួល​អត្ថបទសំណូមពរ​ពី​​ប្រិយមិត្ត​ទាំង​អស់​គ្នា ហើយសូមសន្យាថា នឹងព្យាយាម​ស្វែង​រក​ឯកសារយោង ឬគន្លឹះបន្ថែម​នានា មក​បំពេញ​តាម​តម្រូវការ​របស់​លោកអ្នក តាមតែសមត្ថភាព​ដែល​អាចធ្វើទៅបាន។